Yaponiyanın Azərbaycandakı səfirliyi Bakının mərkəzində "Şam festivalı" keçirib

Xəbər verilir ki, festival Yaponiya ilə Azərbaycan arasında dostluq İli çərçivəsində qeyd olunur və iki ölkə arasında diplomatik münasibətlərin qurulmasının 30 illiyinə həsr olunub.

Bakıda festival çərçivəsində Yaponiyadan xüsusi olaraq gətirilən 2 100 şamdan istifadə olunur.

Qeyd edək ki, tədbirdə Yaponiyanın Azərbaycandakı səfiri Cuniçi Vada iştirak edib.

"Bu festivalın əsas mənası sağlamlıq və əmin-amanlıq üçün edilən dualar və arzularla bağlıdır. Biz bu gün bu festivalı Bakının mərkəzində keçirməsindən çox şadıq. Bu həftə biz Azərbaycanla diplomatik münasibətlərimizin 30 illiyini qeyd etdik. Bu bayram ölkələrimiz arasında isti və dostluq münasibətlərini bir daha təsdiqləyir”, - səfir qeyd edib.

Azadsoz.com